मेष
मेष राशिका मान्छे सक्रिय रूपमा रोमाञ्चकारी गतिविधि गर्न मन पराउँछन् । हाइकिङ गर्ने, नयाँ नयाँ ठाउँ जाने र स्थानीयहरूसँग घुलमिल गर्ने यिनीहरूको चाहना हुन्छ । यिनीहरूका लागि जर्मनी, जापान र इन्डोनेसिया आदर्श गन्तव्य हुन् ।
वृष
वृष राशिका मानिस सुखभोगी हुनाले आराम गर्ने, सुत्ने, पानीमा तैरिने र पृथिवीसँग जोडिने कुरामा विश्वास गर्छन् । पैदल हिँड्न यिनीहरू मन पराउँछन् । यिनीहरू अमेरिकाको फ्लोरिडा, ग्रीनल्यान्ड र साइप्रस घुम्नु ठीक हुन्छ ।
मिथुन
यो राशिका मानिस जता घुम्न पाइन्छ उतै जान मन गर्छन् । घुम्दाघुम्दै हराउन, स्थानीय मानिससँग भेट्न, नयाँ कुरा सिक्न र पूरै संसार डुल्न यिनीहरूलाई मन लाग्छ । यिनीहरू भेनेजुएला, बेल्जियम र आर्मेनिया घुमन जाँदा हुन्छ ।
कर्कट
कर्कट राशिका मानिस टाढाटाढा घुम्न जान मन पराउँछन् । यिनीहरू स्थानीयसँग घुलमिल गर्न अनि उनीहरूको परम्परा र पारिवारिक मूल्यमान्यता जान्न मन गर्छन् । उनी दक्षिण अफ्रिका, न्युजिल्यान्ड र नेदरल्यान्ड्स घुम्न गए हुन्छ ।
सिंह
सिंह राशिका मानिस न्यानो र रमाइलो ठाउँ घुम्न मन पराउँछन् । राजदरबारहरू हेर्न उनीहरूलाई मन लाग्छ । घामको चर्कोमा तापिन मन गर्छन् उनीहरू । अमेरिकाको हवाई, इटाली र क्युबा घुम्न जाँदा ठीक हुन्छ ।
कन्या
कन्या राशिका व्यक्ति भ्रमणका क्रममा जानकारी लिन मन पराउँछन् । यिनीहरू वन्यजन्तु, पहाड र मन्दिरहरू घुम्न चाहन्छन् । उनीहरू कुनै पनि ठाउँको धार्मिक आध्यात्मिक महत्व जान्न खोज्छन् । उनीहरू ब्राजिल, इजिप्ट र ग्रीस घुम्न जाँदा हुन्छ ।
तुला
शैक्षिक भ्रमण, पुराना सामान पाइने पसल र घुमेजति ठाउँका चित्र संकलनमा तुला राशिका मान्छेको रुचि हुन्छ । यिनीहरू अर्जेन्टिना, अस्ट्रिया र तिब्बत घुमे हुन्छ ।
वृश्चिक
यिनीहरू अनौठा यात्रु हुन् । घुम्न गएको ठाउँ मन परेर त्यहीँ बसिदिन पनि सक्छन् यिनीहरू । यिनीहरू जलाशयतिर रमाउँछन् । मन परेका मान्छेसँग घुम्न यिनीहरूलाई रुचि लाग्छ । नर्वे, मोरक्को र जिम्बाब्वे घुम्न गए हुन्छ यिनीहरू ।
धनु
यो राशिका मानिसलाई यति घुम्न मन लागछ कि जहाँ गएपनि मतलब गर्दैनन् । प्रत्येक ठाउँमा भ्रमणको भरपूर आनन्द उठाएपछि उनीहरू अर्को ठाउँको भ्रमण योजना बनाउँछन् । यिनीहरू बोलिभिया, स्पेन र थाइल्यान्ड घुम्न अवश्य चाहन्छन् ।
मकर
मकर राशिका मानिस लोकप्रिय गन्तव्य जान चाहन्छन् । दृश्यावलोकन गर्न र रात्रिजीवन बिताउन उनीहरूलाई रुचि लाग्छ । यिनीहरूको आदर्श गन्तव्य भारत, मेक्सिको वा सर्बिया हो ।
कुम्भ
कुम्भ राशिका मानिसले अद्वितीय ठाउँमा घुम्न रुचि राख्छन् । घुमेको ठाउँबाट किताब बोकेर आउन मन लाग्छ उनीहरूलाई । घुम्दाखेरी स्वतन्त्र र स्वच्छन्द हुन मन गर्छन् । उनीहरू स्विडेन, इथियोपिया र अमेरिकाको कान्सास घुम्दा हुन्छ ।
मीन
मीन राशिका मानिस शान्त हुन्छन् । त्यसैले उनीहरू समुद्र र महासागरतिर घुम्न मन पराउँछन् । समुद्रको किनारमा ककटेल खान उनीहरूलाई रुचि लाग्छ । उनीहरू महासागरको जहाज यात्रा गर्दा हुन्छ ।
एजेन्सी