एजेन्सी–रसीयाको एक परिवारले जीवनकाल कै सबैभन्दा कठिन समयसँग जुधेका छन् । आफुभन्दा पनि आफ्ना बच्चाहरु जोगाउन उनीहरुले ठुलो जोखिम नै मोल्नु पर्यो ।
हेलेना र भिटाली बालाभानोभ आफ्ना दुई सन्तान तीन वर्षिय सेनिया र ११ महिनाकी इगेनी कोठामा बसिरहेका थिए । उनीहरुको कोठामा एक्कासी घुँवा आउन थाल्यो । छिमेकीको अपार्टमेन्टमा आगो लागेको थाहा पाएपछि उनीहरु के गर्ने के नगर्ने अलमलमा परे । उनीहरुका छिमेकी आगो छलेर भागी सकेका थिए । तर, भिटाली भाग्न लाग्दा देखिन् बाहिर सबै आगो लागि सकेको थियो । उनको परिवार आगोको जालमा परिसकेको थियो ।
बालानोभ परिवारसँग एकमात्र उपाय थियोः पाँचौ तलाबाट हामफाल्नु । भिटाइले एउटा गलैचा फाले । उनले सोचे तल बसिरहेका मानिसहरुले उक्त गलैचालाई नेटको रुपमा प्रयोग गर्न सकुन् । यो दृश्य कतिले आफ्नो क्यामरामा कैद गरिरहेका थिए ।
मानिसहरुको ‘नफाल’ आवाजलाई वास्था नगर्दै उनले आफ्नो कान्छी छोरीलाई फालिदिए । त्यसपछि सेनियालाई फालिदिए । तल बसेका मानिसहरुले उनीहरुलाई जोगाउन सफल भए । आफ्नी श्रीमति हाम फालेपछि उनी पनि हाम फाले ।
श्रीमती र बच्चाहरुलाई केही भएन । तर भिटालीको भने करङको हड्डीमा चोट देखिएको थियो । केही दिन हस्पिटलमा उनले बिताउनु परेको थियो । अन्ततः सबै परिवारको सफल उद्धार भएको थियो । यो भिडियो हाल सामाजिक सञ्जालमा भाइरल भइरहेको छ ।
भिडियाे हेर्नुहाेस् ।