काठमाडौं, जेठ ४– स्थानीय तहको मतगणनाको परिणाम आउने क्रम जारी छ । वैशाख ३१ गते सम्पन्न २ सय ८३ स्थानीय तहमध्ये अहिलेसम्म २ सय १७ स्थानीय तहको परिणाम सार्वजनिक भएको छ ।
सार्वजनिक परिणामअनुसार एमालेले आफ्नो अग्रता कायम राखेको छ भने नेपाली कांग्रेस दोस्रो र माओवादी केन्द्र तेस्रो स्थानमा रहेको छ ।
पछिल्लो परिणामअनुसार एमालेले ८६ स्थानमा विजयी हासिल गरेको छ भने ३२ स्थानमा अग्रता कायम राखेको छ ।
यस्तै, नेपाली काँग्रेसले अहिलेसम्म ८३ स्थानमा जित हासिल गरेको छ भने २७ स्थानमा अगाडि छ ।
माओवादी केन्द्रले भने अहिलेसम्म ४२ स्थानमा जित हासिल गरेको छ भने ७ स्थानमा अग्रता कायम राखेको छ ।
तीन स्वतन्त्रसहित नयाँ शक्ति, राप्रपा र राष्ट्रिय जनमोचाले एक एक स्थानमा जिेतका छन् ।